我的 Mr.Right - 投訴男友區 - 女人心事 Lady's Talk - 大眾論壇

王小妹 (光速財團@海外大老闆)
大眾銅牌會員

榮譽勳章目前沒有勳章

UID： 462526

性別：女

精華： 15 篇

積分： 4798 點

帖子： 11548 篇

#1

大中小

使用道具

發表於 2006-12-20 13:29 資料個人空間短消息加為好友

我的 Mr.Right 您是第 2291個瀏覽者

我的 Mr.Right

單身這麼多年來，有無數人問過我：
「你冇男朋友？玩咩？」 ( 呃你有獎咩？ )
「你個樣都幾 cute 呀 ( ！？ ) ？冇理由冇男朋友喎。」
「你份工應該大把機會識男仔喎？」 ( 你唔知我侏羅紀公園返工咩？日常與速龍、暴龍為伍。 )
「係咪你要求太高呀？好心你唔好咁 cool 。」 ( 見仁見智，有人話我姣添，笑死我！ )
「你鍾意邊種男仔？我幫你留意下！」
( 唔好客氣。 )
我鍾意邊種男仔？如果閣下有耐性的話，不妨聽聽。

外貌

中等身材，身高介乎呂方與馬德鐘之間。
樣子忠厚中帶邪氣。林家棟混淺野忠信？
肌肉要結實，胸肌不用太大，我唔打算借個 bra 佢用。
膚色是健康的古銅色。好怕一除衫，彷彿在問你：「飲唔飲胡椒豬肚湯？」

品味
愛看金庸小說，跟我一樣喜歡令狐沖。
略懂歷史，會追看《康熙帝國》。
音樂？喜歡哪個歌星沒所謂，但請別跟我說：「 Twins 正呀！」
愛吃、懂得吃，肯陪我到大排檔吃牛雜米，也會和我到 Sabatini 吃意大利菜。還有，不嫌棄我食量驚人。
愛旅行，和我在東京街頭行到腳抽筋。返到酒店，為我的小腿按摩，全身也不拘。

風度
到餐廳吃飯，臨走時問我去不去洗手間，待我回來時已經埋了單。
第一次單獨吃飯，不要為我的檸檬茶篤檸檬，謝謝了，除非他以後每次都會這樣做。
約了看電影，永遠自動自覺預先購票，不用要我坐第一二排。

其他 ........
不是負資產。
駕得一手好車，而不是幻想自己正在參加 Formula 1 ，不會叫我下車頭暈、想吐。
常把零用錢塞入我的銀包內。
有少許大男人，在我無理取鬧時喝叱我：「你嘈夠未？」不要縱容我。
跟我說：「做得唔開心就辭職，有我照顧你！」
還有 ..........( 因篇幅關係，下刪無數個條件。 )

本城有發現這種單身男子嗎？ ( 雖然機會率會是負數，情況就如香港全民就業。 )

輯自《單身女人日記》

實用相關搜尋: 香港 hk 酒店電影音樂車 ati 按摩旅行 bra