7個勁笑話^_^
您是第
92個瀏覽者
7個勁笑話^_^
(一)
有一次由灣仔撘小巴去銅鑼灣糖街咁諗住同個friend去"文輝"食野，我一直係度諗緊
食咩好，但係當差不多到既時候，想叫"文輝有落丫﹗唔該"，點知我好大聲咁叫左
﹕"墨丸河丫﹗唔該﹗﹗﹗"
全車人都忍唔住笑左出黎，個司機仲笑笑口話﹕"加唔加紫菜呀？？？"..嘩....瘀到
震.......呀........
(二)
有個做幼稚園教師的朋友，新學期開始時，她叫全班同學帶手冊回家，叫家長貼相片
在手冊上。
當她收回所有手冊時，發現竟然有一位家長將自己的相片貼在手冊上。
(三)
我朋友有次趕住返學，速忙出門時隨手拎左個電話出街，上到巴士諗住拎出o黎飛線
，點知發現原來拎左個電視遙控出o黎，嚇到佢收都收唔切﹗﹗
(四)
大學時期攪大學學會，學期初時要擺counter招收新會員，我男友係學會的主席，
我在call台落Call"唔該叫佢帶埋Receipt簿來開檔，急用﹗"
~~15分鐘後，佢沖到個counter，將一包用"屈X氏"袋包住既野急急塞俾我，
壓低聲同我講﹕"要我買D咁o既野，我唔掂架，我囉左家姐D俾你頂住先啦﹗"
我聽到抓晒頭，但因為趕住用冇再追問佢，同大家講左句"好對唔住呀﹗黎遲左......"
便急急在眾人前打個袋。嘩﹗當堂尷尬到要死，因為..........袋裡係一包"護舒寶"。
（大家明唔明哩個牙？Receipt簿個音似護舒寶∼哈哈．．笑死我）
(五)
一次放學搭巴士返屋企，當時企係度都好輕鬆下，但突然間架巴士掟左個急彎，
我當然失去重心，本能反應就係捉住D o野羅番個平衡，點知我一手就叉住左一個
3、40歲既男人條頸度，最好笑就係個男人仲係度扮反白眼同透唔到氣呀﹗
(六)
讀中學個時有個miss用projector，突然有陣風吹走張transparency（透明個張），
但係佢居然立即用隻手禁住塊白板﹗
(七)
早前手提電話好流行有"語音撥號"，你向住個電話叫﹕邊個邊個，咁個電話就會自動
撥去邊個邊個果度，方便好多咁話。
有日放工搭地鐵，聽到係前面個西裝友向住部電話叫﹕"八婆﹗"
過左一陣(應該係條線通左)，佢就對住個電話，
用無比客氣既口吻話﹕"阿外母大人呀﹗我今晚趕唔到o黎食飯"....
實用相關搜尋: 地鐵 巴士 手提電話 車 it 大學 電話 電視 spa 3m
設為首頁
加入收藏
插件索引
