我對父母好陌生

以下係小妹個人經歷:

     小妹小時生於一個小康之家, 父親以前在大陸設廠, 亦有車有樓, 以前一家都很和睦相處, 一直到九七年為止.

     九七年金融風暴, 係我一家人人生的轉捩點, 父親生意失敗, 欠下一身錢債, 但依然堅持在大陸的生意, 押左自己同母親一起供完的樓, 去維持自己的生意, 一年都唔知有冇拎一兩次家用俾屋企.

     母親為我們一家的生活費而同父親嘈過唔少次, 最後母親為左生活而再出黎社會工作, 一個人維持呢個家.

     問題開始出現, 母親每次下班回家, 都會同我講: "你地個阿爸冇鬼用, 一毫止都冇拎番黎, 唔係靠我你地一早餓死左啦!" 到後來, 父母終於離婚收場.

     問題接二連三出現, 母親在離婚後冇耐識到新男友, 佢冇同我講, 但係我係知道的, 而佢後來都默認左.之後我父親從佢朋友知道母親有新男友(我冇話佢聽), 跟住同我係電話度盡數母親不是, 話母親嫌佢窮, 又話母親紅杏出牆而同佢離婚.屋企生活緊張, 母親成日迫我打電話問父親拎家用. 佢又唔鐘意我打俾父親同佢傾計. 有次父親打電話黎(我母親在場), 罵我做咩唔打俾佢,唔關心佢. 我當時答又死,唔答又死. 結果我係佢收綫後偷偷地喊.

     到我出去外國工作(某程度上係逃避呢個家)幾年,有寄錢返屋企, 有一次母親幫細佬申請政府資助時, 竟然寫我係仵逆女, 唔俾家用佢, 重要面不改容禁俾我過目, 我當時心裡好似被針"吉"禁, 好唔舒服.

     之後有次我探望我d親戚, 從佢地口中得知父親再婚, 我當時呆左, 心諗點解父親唔同我講. 到有一日父親打電話俾我, 佢唔係同我講佢再婚, 而係問我借錢俾佢做生意. 我個時對我父親感到好失望.


我對父母好陌生, 亦懷疑我在佢地心中究竟有幾重要, 我對佢地好心淡....