2008-8-20 23:16
King_Sir
有時我發覺同呀媽行街呢﹐有d煩架真係....
其實﹐我呢幾年入面
我發現有時同呀媽一齊出街呢
唔多唔少都會有d心入面嘅怨言
唔係因為我唔想同呀媽出街
而係覺得出到去呢﹐比佢煩住哂
我係真係有少少火囉
好似今日去銀行咁
因為之前張咭﹐因為密碼嘅問題
block左我張咭﹐咁我今日去銀行攞張密碼信
呀媽又跟埋我去
咁我就當然就拆開封信睇下開
根住拆開封信﹐咁我拆得唔正
我呀媽話﹕「呀仔﹐你睇你拆成點
等我黎啦....」
我見住佢拆咁﹐開始有少少不滿咁
我話﹕「都係等我黎啦」
阿媽﹕「阿仔﹐你唔得架...」
果一刻﹐我感覺到d 銀行果d當值銀行果d
女仔﹐都忍唔住笑。
我心諗﹐咩唔得呀？
就算我拆得唔令﹐我都有其他方法架馬
仲有一次﹐我同呀媽又係去銀行
銀行counter小姐﹐就叫我攞身份證出黎﹐
呀媽又同我重覆一次
counter小姐﹐叫我攞返個身份證
呀媽又幫我重覆一次﹐
喂....係咪好多餘？？
仲有呢﹐幾年之前﹐同呀媽一齊去shopping
咁就去左買鞋﹐咁試鞋啦喎
咁我著入去果陣﹐要拉返後面個「葉」
咁我拉得辛苦少少
呀媽又話﹕「呀仔﹐你唔得架...等我幫你...」
班sales一路細細聲咁笑一路講唔知乜
講真丫﹐有時咁樣我真係會覺得有d瘀
我咁大個人﹐俾返少少尊重
我唔係細路仔﹐
真係我唔知道點形容好
但係有時咁﹐心裏面都有d脾氣