我想知係咪我自己問題囉~

我男朋友好錫自己個妹(因為佢已經失去左佢細佬，而家得返個妹)，我公司聖誕party抽獎抽到兩枝筆，一枝都要俾佢個妹既。

佢個妹之前話覺得我搶左佢阿哥都算喇~今次佢唔見左部電話，我借左我男友之前送俾我既電話俾佢，點知我男友就以為我送左俾佢個妹(誤會，都算啦~)，仲要送埋我之前送俾佢既handfree俾佢個妹，我真係好嬲~心諗:『你點可以將我送俾你既野隨隨便便咁送俾人?』之後佢話，我俾部機俾佢個妹，而唔俾handfree佢，係我問題，阿哥見佢冇handfree用，就要俾新個條佢(即係我買俾佢個條)~

之後佢就覺得我小氣，唔大方。我同佢講，如果係咁即係以後我送野俾你，件野最終都會到你個妹手架啦~

我唔明呀，點解永遠都係咁，佢對我有雙重標準，佢送俾我d野(一隻鑽石扼)，我阿媽想借去飲都唔得。。。

點解永遠都係你覺得冇事，我就一定唔可以覺得有事。。。你覺得冇問題，我就一定唔可以覺得有問題~

點解我就要信你，而你就可以偷偷地拎我部電話，reset我個acc密碼，check我電話費，check我同邊個傾電話~之後仲可以話我身有屎罵我一大餐?

我對住佢，我真係好辛苦~:em-a-17:

[[i] 本帖最後由 gn01724229 於 2008-7-5 00:58 編輯 [/i]]

:( 有D男人係對屋企人特別好的...要習慣過去...

多口問句:你哋幾大?
我睇完之後嘅感覺係你倆都太過斤斤計較喇
至於佢check你嘅電話
係一種唔信任同唔尊重嘅行為表現...

我就快23歲，佢就26歲囉~

26歲,已經係一個大男孩喇,
或者你講得啱,佢對你有雙重標準,
又或者,佢只係太過粗枝大葉,
重視佢送俾你嘅嘢,
卻忽略咗原來你送俾佢嘅嘢同樣需要重視
你試吓好好咁同佢傾吓,
俾佢知道你嘅心中所想,你嘅感受...

回復 #5 lam3011 的帖子

我有同佢講我既感受，不過佢都好似唔明，佢真係好粗心架，之前佢講左分手成個月，到我話要執野個時，佢先晴天霹靂咁知道佢自己同我講左分手，半個月之後先發覺自己仲好愛我=.="

你話佢同你講咗分手而之後又唔記得
令我就佢對你嘅重視程度存疑
後來佢同你講話發覺自己仲好愛你
你有冇諗過
到底佢係因為真係好愛你
定只係一種生活習慣
一時間難以適應身邊少咗一個人?

回復 #7 lam3011 的帖子

如果係一時間，又好似唔需要一個月咁耐，而且我個時都覺得佢適應得幾好~佢俾左個理由我就係，個時我既情緒太波動，佢根本唔知我想點､亦唔識點去面對我~

個時(分手既前後各一個月)既我絕對係情緒波動，連我自己都未必知道自己想點，只係想佢係我身邊多d，不過我住香港仔個邊，而佢就住天水圍~佢就覺得好難去成日陪住我~而對於我既要求，佢又做唔到，佢做唔到我就發脾氣咁囉~

其實個次分手，雙方都有問題~

到左一個月之後，佢認為我情緒平復返喇，佢先敢追返我~

[[i] 本帖最後由 gn01724229 於 2008-7-8 00:59 編輯 [/i]]

佢唔會鍾意左自己個妹呀嘛@_@
仲有(送左比人既野 係唔可以送比第二個架嘛)雖然果個係佢個妹,但係都唔得架嘛!
我係你不如分手算,如果你好愛佢,不如同佢講下道理...

個男仔好似有點兒過。。。。大男人左D啊！！！
你不如同佢好好講啊！如果吾得的話，只好自己諗諗啦，一係分手（可能會舒服D），一係就忍忍囉只好你就佢啦（可能會。。。總之就吾多開心啦）！
但係我都好錫我個妹，但係送比佢D野都係自己買，自己做出來，吾會用女朋友D禮物送比佢，吾好話女朋友啊~朋友個D禮物都吾啦！
但係佢有無講點解可以咁呢？