2007-10-9 01:27
wah94
教你如何分辨巿面上的隨身聽是行/水貨
[size=2]成日聽到forum上既人詢問某店賣的MP3/MP4機是行貨定水貨云云.....
其實消費都要自已分辨電子產品/電器係行貨定水貨係一件易事 ( 我以前做過電子制造業)，而家就同你地分享只靠睇件產品去分辨行貨定水貨:
1. 行貨係指產品由代理商透過正式途徑進口，有代理提供維修保養服務。
2. 電器行貨一定要取得入口國家/地區的相關產品安全和規格(eg. 電壓、插頭規格ie. 兩腳? 三腳? 方腳? 圓腳?)認證才能進口和在巿面發售。香港對進口電子產品和電器的認證名稱簡稱CE，巿面發售的電器如果沒有取得CE認證，咁就一定唔係行貨，取得CE認證的電器，在大量生產前己送入testing lab做測試，符合所有要求才取得證書。
(不同國家對不同類別的產品有不同的認證要求，香港對電器產品要求的是CE認證)
咁消費者點樣知道件電器有冇CE認證呢? 大部份電器/電子產品在產品背面都貼/印有一張標籤 (說明書都一定會寫明)，英文叫rating label，列明產品的Model number、制造地方、電壓要求同埋認證的資料。如果產品是香港行貨，一定會印有CE兩個英文字，證明產品規格/安全等都符合香港法例要求。
不同地區對電器產品的認證要求如下 ( 唔知對上一年有冇更新，如有請講聲)
香港/德國: CE
美國: FCC
中國: CCC
例子：如果你去電器鋪買件電器，發現背面張標籤印有CCC而沒有CE，那產品就是國內行貨，而不是香港行貨了。
再講下MP3機，我部i-Audio G3同埋i-River T60兩部機背面印有CE同埋FCC兩組英文字，咁我部機即係符合香港同美國兩地既相關要求，可以兩地當行貨賣。
希望大家買野時能自己去分辨行貨和水貨，鋪頭sales講既說話末必全部都啱.....[/size]